Ана | Брокула со Кари Сос и салата од Цвекло и Морков

Отсекогаш ми биле попривлечни чинии полни со разнобојна храна која би ја изела со поглед уште пред да ја вкусам…. еве една таква чинија…

Брокула со Кари Сос и салата од Цвекло и Морков

Брокула со Кари Сос и салата од Цвекло и Морков

Потребни состојки за Кари Сосот:

  • 100гр индиски ореви (киснети во вода 2 часа)
  • 1 лукче
  • 1/2 лажичка хималајска сол
  • 2-3 лажички кари (по желба, во зависност колку јак вкус сакате да има сосот)
  • сок од 1/4 лимон
  • 100мл вода (максимум)

Најпрво се блендираат индиските ореви со малку вода додека да се добие кремаста смеса. Потоа се додаваат останатите состојки и се блендира се заедно додека да го добиете сосот со посакуваната густина.

Останати состојки (мерки по желба):

  • брокула
  • цвекло
  • морков
  • маслиново масло
  • јаболков оцет
  • ленено семе
  • сусам

Брокулата се сече на мали парчиња и се попрскува со малку маслиново масло, а одозгора се става кари сосот. Цвеклото и морковот се рендаат, и им се додава малку јаболков оцет, а одозгора се попрскуваат со ленено семе и сусам.

Уживајте!

* сосот е доволен за 4 порции, се припрема за 5 минути.

од Ana Azgour

Како мајка на 3 деца на возраст од 8, 5 и 3 години, слободно време скоро и да немам. А во ретките моменти кога ќе ми се создаде прилика, поминувам околу 30-тина минути во кујна, експериментирајќи со нови рецепти за неготвена храна, кои потоа ги уживам со најблиските.